Mikel Artola, eserita daudenetatik hirugarrena ezkerretik, Lasarte-Oriako saioan.
Final zortzirenetako beste bi saio izan dira asteburuan Gipuzkoako Bertsolari Txapelketan, eta bakoitzean eskualdeko bi bertsolari aritu dira. Unai Mendizabal zizurkildarrak bosgarren egin zuen bere saioan, Azpeitian, eta 424 puntu eskuratu zituen. Mikel Artola alegiarrak postu hobea lortu zuen Lasarte-Oriako saioan, hirugarren amaitu baitzuen, baina aurrera egiteko benetan balio dutenak puntuak dira, eta 415 puntu eskuratu zituen.
Kontuak horrela, eta final zortzirenetako sei saioetatik hiru egin direla ikusirik, hau da, 18 bertsolarik parte hartu dutela dagoeneko, Mendizabal sailkapenean bederatzigarren dago, eta Mikel Artola hamalaugarren. Beasainen egindako lehen saioan Beñat Iguaran amasarrak eta Haritz Mujika asteasuarrak parte hartu zuten. Iguaranek 420 puntu eskuratu zituen, eta egun 11. postuan dago sailkapenean. Mujikak 409 puntu jaso zituen, eta 16. postuan dago.
Guztira sei saio daude final zortzirenetan, eta bakoitzean sei bertsolarik parte hartzen dute. Saio bakoitzeko irabazleak zuzenean egiten du aurrera, eta beste 30 bertsolarietatik puntu gehien lortzen duten 17 bertsolariak igaroko dira final laurdenetara. Aurretik, eskualdeko bertsolarien sailkapena ematerakoan kontuan hartuta daude ere saioetako hiru irabazleak. Beraz, esan daiteke txapelketan aurrera egiteko azken postua 23.ena izango dela.
| Beasain | Azpeitia | Lasarte-Oria | Guztira | |
|---|---|---|---|---|
| Jon Maia Soria | 456.50 | 456.50 | ||
| Ane Labaka Mayoz | 444.00 | 444.00 | ||
| Arkaitz Oiartzabal Agirre "Xamoa" | 439.50 | 439.50 | ||
| Nerea Elustondo Plazaola | 432.00 | 432.00 | ||
| Iñigo Mantzizidor Larrañaga, "Mantxi" | 427.00 | 427.00 | ||
| Nahikari Gabilondo Mendizabal | 426.50 | 426.50 | ||
| Beñat Lizaso Alberdi | 426.00 | 426.00 | ||
| Ander Lizarralde Jimeno | 425.50 | 425.50 | ||
| Unai Mendizabal Jauregi | 424.00 | 424.00 | ||
| Amaia Iturriotz Etxaniz | 421.00 | 421.00 | ||
| Beñat Iguaran Amondarain | 420.00 | 420.00 | ||
| Eli Pagola Apezetxea | 420.00 | 420.00 | ||
| Maider Arregi Markuleta | 415.00 | 415.00 | ||
| Mikel Artola Izagirre | 415.00 | 415.00 | ||
| Xabier Sukia Etxeberria | 412.50 | 412.50 | ||
| Haritz Mujika Lasa | 409.00 | 409.00 | ||
| Aitor Irastorza Fadrique | 399.50 | 399.50 | ||
| Gorka Azkarate Torner | 398.00 | 398.00 |