Horregatik, Tolosako Beotibarren bihar jokatuko duen partida berezia izango da; baita Olaetxearentzat ere.
Lau t’erdiko Txapelketaren final zortzirenetan egin dute topo Olaetxeak eta Artolak. Lehenak, lehen kanporaketan, Irribarria gainditu zuen 22-21eko emaitzarekin. Bigarrenak, txapelketako lehen partida izango du. Irabazlea final laurdenetako ligaxkara pasako da, bigarren taldera. Bertan, Bengoetxea VI.a eta Olaizola II.a izango ditu zain. Ligaxka horretako laugarren pilotaria zein den igandean jakingo da. Lekunberrin, 17:00etan, Haritz Lasak eta Jokin Altunak jokatuko dute.
Tolosako jaialdia 20:00etan hasiko da. Lehen partida Urrutikoetxea-Zabalak eta Bengoetxea VI-Beroizek jokatuko dute. Ondoren etorriko da maisuaren eta ikaslearen artekoa.
URRIAK 9, OSTIRALA
Tolosako Beotibarren
20:00etan
PILOTAK
Olaetxearen pilotak:
104,2/104,1 gr.
Artolaren pilotak:
104,9/105,2 gr.
ERREAKZIOAK
Mikel Olaetxea
2 «Lehen partida zortearekin irabazi nuen; 21na eginez gero... Orain bigarren partida tokatzen da, eta sentsazioak hor daude. Lehen partidak zerbaiterako balio izango zuela espero dut».
3 «Ostiralekoari ez diot buelta gehiegi eman. Egunean egunekoa egiten saiatzen naiz. Asteazkenean pilota aukeraketa, ostegunean atsedena, eta ostiralean partida».
4 «Partida oso zaila izango dela badakit. Berak ia beti berea ematen du. Nik nirea egitera joan behar dut, urduritasunak utzita».
5 «Helburua iazko sentsazioak dira, baina zaila izango da; dena ondo atera zitzaidan. Momentuz, behintzat, nahiko urruti nabil».
6 «Lizartzatik gertu geratzen da Beotibar, eta jendea hurbilduko dela uste dut. Guztien animoen beharra izango dut»
2 «Txapelketako lehen partida izatean beti izaten da kezka punttu bat. Ardoaren desafioan lau t'erdian jokatu nuen, eta entrenamendu serio bat bezala hartu nuen; beraz, bigarren partida bezala da».
3 «Jokoz hobeto edo okerrago egon zaitezke, baina garrantzitsuena eskuetatik ondo egotea dela uste dut. Arazorik gabe iritsi naiz, eta hortik aurrera, ateratzen dena aterako da».
4 «Saralegi eta Olaetxea irakasle modukoak izan dira niretzat. Elkarrekin asko ibili gara, eta alde horretatik polita izango da».
5 «Ez da aringarria, baina galduz gero, Mikelek egingo luke aurrera. Horrek ere poza emango lidake».
6 «Alegiatik jende dezente etorriko da, Lizartzatik bezala. Giro polita egongo da. Horrelakoetan ilusio bereziarekin jokatzen duzu».