Estefania Beltran de Herediak segurtasun sailburuak azpimarratu du normaltasun osoz hasi dela Eusko Legebiltzarrerako hauteskundeen eguna. 20:00ak arte egongo dira irekita hauteslekuak.
12:00etan argitaratu dituzte parte-hartzearen datuak. Eguerdirako, hautesleen %15,4k eman du botoa, duela lau urte baino %0,6 gehiagok.
Lurralde bakoitza kontuan hartuz gero, Gipuzkoan izan da parte hartze handiena; %17,5raino heldu da —duela lau urte baino %1,1 gehiago–. Bizkaian ere hazi egin da bozkatu dutenen kopurua —%0,6 handiagoa izan da— eta %14,5eraino heldu da. Araban, ordea, behera egin du parte hartzeak, eta %13,9koa izan da –duela lau urte baino %0,3 txikiagoa–.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!