Osasun Sailak emandako datuen arabera, ekainaren 6tik 12ra 67 positibo atzeman dituzte Tolosaldean. Araban, Bizkaian eta Gipuzkoan 3.748 positibo izan dira. 361ekoa da azken hamalau eguneko intzidentzia tasa. Une honetan, 295 pertsona daude ospitaleetan, horietatik, 9 pertsona ZIUetan, eta azken astean 25 pertsona hil dira. Orain arte 7.002 pertsona hil dira Osasun sailaren arabera, COVID-19aren ondorioz.
Atzo 1.766 test egin zituzten, eta 191 izan ziren positiboak. Eskualdeari erreparatuta hiru positibo atzeman zituzten atzo, Alkizan, Asteasun eta Tolosan bana. Hilaren 23tik 29ra, berriz, 67 positibo zenbatu dituzte Tolosaldean: 36 Tolosan, 9 Ibarran, 5 Amasa-Villabonan, 3 Alkizan, Asteasun eta Ikaztegietan, 2 Albizturren eta bana Alegian, Berrobin, Gaztelun, Leaburu-Txaraman, Orendainen eta Zizurkilen.
Osasun eremuei begiratuta, guztiak daude gorrian, eta Tolosaldekoak 293ko intzidentzia tasa du.