Erasorik ez erantzunik gabe. Aski da! lemapean, goizeko 05:45ean Arroa auzoan 19 urteko gazte bat bortxatzen saiatu direla gogor salatu dute billabonatarrek. Honako testu hau irakurri dute:
Beldurrik gabe bizitzea gure esku dago. Beldurraren espirala elikatzea ekidin behar dugu, hain zuzen hori baita eraso hauek bilatzen dutena. Gu beldurtzea.
Gure kaleetan ez dugulako inongo jarrera sexistarik onartuko, erantzun trinko bat emango dugu. Hemen gaude, zutik, gure herriko emakume eta herritar arduratsuak. Ez dugu etsiko. Gaur, egun morea dugun honetan, are eta moreago egingo dugu. Eraso sexisten aurrean, autodefentsa feminista. Aurrez aurre topatuko gaituzte.
Harri mugimendu anitzetako kideok mobilizaziora deitu nahi dugu amasa-villabonatar oro. Datozen egunetan burutuko diren elkarretaratze eta mobilizazioetan parte hartzeko deia egiten diegu herritarrei. Hemendik elkartasun eta babes guztia eskaini nahi diogu erasotua izan den emakumeari.