Inork egin ez duen lana egin nahi du Joxemari Olasagasti aizkolariak ekainaren 14an, larunbatez. Marka saiakera handia izango da, 20 oinbiko mozten saiatuko baita 55 urteko aizkolaria. Etxean 17 moztera iritsi dela onartu du, baina 20 Tolosako zezen plazan moztuko ditu lehen aldiz. Sarrerak 15 euroan jarri dituzte salgai, Tolosako Kantabriko tabernan, eta egunean bertan zezen-plazan, 11:00etatik aurrera. Marka saiakera arratsaldean izango da, 18:30ean.
Oier Iribarren ibartarraren gelako gurasoek lanean jarraitzen dute Stop Sanfilippo fundazioaren alde dirua biltzen. "Oierren gaitza oso azkar garatzen doa, eta horregatik antolatu ditugu ekimen ugari denbora oso tarte txikian. Guztion laguntza beharrezkoa izango da gaitzari konponbidea bilatzeko lan honetan", azaldu dute haurraren guraso eta gertukoek.
Gaur eguerdian Kantabriko Tabernan aurkeztu duten marka saiakera borroka horretan kokatu dute, eta Joxemari Olasagastiri eskerrak eman nahi izan dizkie, "xoxik irabazi gabe" laguntza handia eman duelako. Igeldoarra ere gustura azaldu da, bere ekarpena egiteko aukera izateagatik. Marka saiakeraren inguruan, bi ordutik bukatzen saiatuko dela esan du.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
%2021.01.02_tokikom_735x413.png)
